મધ્ય પૂર્વમાં શાંતિ સ્થાપવા માટે ચાલી રહેલા રાજકીય घटनाક્રમ વચ્ચે એક મોટા સમાચાર સામે આવ્યા છે કે સાઉદી અરેબિયાએ યેમેનના હૂતી ગ્રુપને સીઝફાઇર કરવા અને દેશ પરના હુમલા રોકવા માટે 1 અબજ ડલરની ઓફર કરી છે. મીડિયા રિપોર્ટ્સ અનુસાર, આ સમગ્ર વ્યવસ્થા ઈરાનની મધ્યસ્થીથી થઈ છે, જેથી સાઉદી અરેબિયાના એરપોર્ટ્સ અને ઓઈલ ફેસિલિટીઝ પર થઈ રહેલા હુમલાઓને અટકાવી શકાય. સાઉદી ડિફેન્સ મિનિસ્ટર પ્રિન્સ ખાલીદ બિન સલમાન આ ડીલ માટે ખાસ તેહરાન ગયા હતા અને કથિત રીતે આ રકમ હર્ક્યુલસ મિલિટરી ટ્રાન્સપોર્ટ એરક્રાફ્ટમાં સાથે લાવ્યા હોવાના દાવા પણ થયા છે, જોકે આ નાણાકીય ટ્રાન્સફરની હજુ સુધી કોઈ સ્વતંત્ર પુષ્ટિ થઈ શકી નથી.
આ ઉચ્ચસ્તરીય મંત્રણામાં સાઉદી ડિફેન્સ મિનિસ્ટર ઉપરાંત તુર્કીના ઈન્ટેલિજન્સ ચીફ ઈબ્રાહિમ કાલિન અને પાકિસ્તાનના આર્મી ચીફ ફિલ્ડ માર્શલ અસિમ મુનીર પણ સામેલ થયા હતા. આ બેઠકમાં ઈરાનના રાષ્ટ્રપતિ મસૂદ પેઝેશ્કિયાન અને અન્ય વરિષ્ઠ અધિકારીઓએ પણ ભાગ લીધો હતો. સાઉદી વિદેશ મંત્રાલયના નિવેદન મુજબ આ મુલાકાત તણાવ ઘટાડવા અને રાજદ્વારી ઉકેલ લાવવાના પ્રયાસોનો ભાગ હતી. સાઉદી અધિકારીના જણાવ્યા અનુસાર, આ વિવાદ ત્રણ વર્ષ પહેલાં થયેલી સમજૂતીને લાગુ કરવા બાબતનો છે, જે અંતર્ગત હૂતી નિયંત્રિત વિસ્તારોમાં સરકારી કર્મચારીઓના પગાર અને ઈન્ફ્રાસ્ટ્રક્ચર રિબિલ્ડિંગ માટે નાણાકીય સહાય આપવાની વાત હતી, પરંતુ તાજેતરના મહિનાઓમાં હૂતીઓએ સાઉદી દ્વારા આ સમજૂતી તોડવાનો આરોપ લગાવીને હુમલા ચાલુ રાખ્યા હતા.
આ સમગ્ર ઘટનાક્રમ પાછળ ક્ષેત્રીય તણાવ અને ઈરાન દ્વારા પ્રાદેશિક મધ્યસ્તો તરીકે પોતાની છબી મજબૂત કરવાનો પ્રયાસ સામે આવી રહ્યો છે. સાઉદી અરેબિયાનું વલણ સ્પષ્ટ છે કે તે લશ્કરી બ્લેકમેલ હેઠળ કોઈ નવો સીઝફાઇર સ્વીકારવા તૈયાર નથી અને હૂતીઓ યેમેનની માન્યતા પ્રાપ્ત સરકારના કબજામાંથી વિસ્તારો પાછા ન સોંપે ત્યાં સુધી ફંડ ટ્રાન્સફર કરવા સામે વિરોધ છે. ઈરાન આ ક્ષેત્રમાં અમેરિકા કે ઈઝરાયેલના હસ્તક્ષેપનો વિરોધ કરીને પોતાની પકડ મજબૂત કરવા માંગે છે. હાલ તો આ 1 અબજ ડલરની ઓફર અને નાણાં લાવવાના દાવાઓ અંગે કોઈ સત્તાવાર મહોર લાગી નથી, પરંતુ આ બેઠકથી મધ્ય પૂર્વના રાજકારણમાં નવો મોડ આવ્યો છે.
