ચેન્નાઈના ઓરાગડમ વિસ્તારમાંથી એક અત્યંત દુઃખદ સમાચાર સામે આવી રહ્યા છે, જ્યાં એક યુવતીએ મોતનો રસ્તો પસંદ કર્યો છે. પ્રાથમિક માહિતી મુજબ, આ યુવતીએ ઓરાગડમ પર બનેલા ફ્લાઈઓવર પરથી નીચે કૂદીને જીવન ટૂંકાવી નાખ્યું છે. આ ઘટના બનતા જ આસપાસના વિસ્તારમાં અને હાઈવે પર દોડધામ મચી ગઈ હતી અને ભારે ટ્રાફિક જામ પણ થઈ ગયો હતો.
ઘટનાની જાણ થતા જ સ્થાનિક પોલીસ તાત્કાલિક કાફલા સાથે ઘટનાસ્થળે દોડી આવી હતી. પોલીસે મૃતદેહને કબજામાં લઈને પોસ્ટમોર્ટમ માટે નજીકની હોસ્પિટલ મોકલી આપ્યો છે. આ યુવતી કોણ હતી, ક્યાની રહેવાસી હતી અને તેણે આટલું મોટું પગલું કેમ ભરી લીધું તે અંગે હજુ સુધી કોઈ સત્તાવાર સ્પષ્ટતા થઈ શકી નથી.
પોલીસ આસપાસના લોકોની પૂછપરછ કરી રહી છે અને નજીકમાં લાગેલા સીસીટીવી ફુટેજ પણ ચકાસી રહી છે જેથી આખી ઘટનાનો ક્રમ સમજી શકાય. પ્રાથમિક તપાસમાં કોઈ સ્યુસાઇડ નોટ મળી છે કે નહીં તે અંગે પણ પોલીસ અધિકારીઓ તપાસ કરી રહ્યા છે. આ અચાનક બનેલી ઘટનાથી મૃતકના પરિવારમાં આક્રંદ છવાઈ ગયો છે.
