આસો વદ કે આસો સુદની પૂર્ણિમા એટલે કે શરદપૂર્ણિમાનો પવિત્ર તહેવાર આ વર્ષે ખૂબ જ ઉત્સાહ અને આસ્થા સાથે ઉજવવામાં આવશે. જ્યોતિષીય ગણતરી મુજબ રવિવારના રોજ બપોરથી જ પૂનમ તિથિનો પ્રારંભ થઈ રહ્યો છે. શાસ્ત્રોક્ત નિયમો અને પંચાંગની ગણતરી પ્રમાણે વ્રત અને કોજાગરી પૂનમની ઉજવણી રવિવારે જ કરવી શ્રેષ્ઠ રહેશે. આ દિવસે ચંદ્ર પોતાના સોળે કળાએ ખીલીને પૃથ્વી પર અમૃત વર્ષા કરશે. જે લોકો પોતાના કુળદેવતા કે દેવી-દેવતાના દર્શને જવા માંગતા હોય તેઓ રવિવારે બપોર પછી અથવા સોમવારે સવારે નિર્ધારિત સમય પહેલા દર્શનનો લાભ લઈ શકે છે.
શરદ પૂનમની રાત્રિનું હિન્દુ ધર્મમાં અદ્ભુત આધ્યાત્મિક અને ધાર્મિક મહાત્મય રહેલું છે. આ પવિત્ર રાત્રે ભગવાન શ્રીકૃષ્ણે વૃંદાવનમાં ગોપીઓ સાથે મહારાસ રચ્યો હતો, જે જીવાત્મા અને પરમાત્માના મિલનનું પ્રતીક છે. આ દિવસે વિષ્ણુ સહસ્ત્રનામનો પાઠ કરવો તેમજ શ્રીકૃષ્ણની ભક્તિ કરવી અત્યંત ફળદાયી સાબિત થાય છે. વળી, જન્મકુંડળીમાં ચંદ્ર નબળો હોય કે અન્ય દોષો હોય તો આ દિવસે ચંદ્રની ઉપાસના અને જપ કરવાથી વિશેષ માનસિક શાંતિ અને રાહત મળે છે.
આ રાત્રે જગતજનની માતા લક્ષ્મીની ઉપાસનાનું પણ અનેરું મહત્વ છે. સાંજે અગિયાર વાગ્યા આસપાસ અથવા રાત્રિના સમયે શ્રીયંત્ર અને લક્ષ્મીજીની પંચામૃતથી પૂજા કરી સાકરવાળા દૂધનો અભિષેક કરવાથી સ્થિર લક્ષ્મીની પ્રાપ્તિ થાય છે અને ઘરમાં ધન-ધાન્યનો ભંડાર ભરાય છે. એવું માનવામાં આવે છે કે આખી રાત જાગરણ કરી માતા લક્ષ્મીના આગમનની પ્રતીક્ષા કરવી જોઈએ. સ્વાસ્થ્યની દ્રષ્ટિએ પણ આ રાત્રિ અમૂલ્ય છે કારણ કે અગાશીમાં રાખેલા સાકર અને પૌવાના પ્રસાદનું સેવન કરવાથી શરીરની રોગપ્રતિકારક શક્તિ વધે છે અને ઉત્તમ આરોગ્યની પ્રાપ્તિ થાય છે.
![[શા માટે કેટલીક મહિલાઓ જકડી રાખતી પિતૃસત્તાક વ્યવસ્થાનું સમર્થન કરે છે?]](/media/news_images/news_story_20261024_110027_1555.jpg)
