અમેરિકાની રાજનીતિમાં હાલમાં એક નવો વિવાદ વંટોળ ઊભો થયો છે, જેમાં ભારતીય મૂળના દિગ્ગજ રાજકારણી વિવેક રામાસ્વામી દ્વારા તૈયાર કરવામાં આવેલી એક ચૂંટણી જાહેરાતે ભારે હોબાળો મચાવ્યો છે. ઓહાયો રાજ્યના ડેમોક્રેટિક પક્ષના ગવર્નરપદના ઉમેદવાર એમી એક્ટન વિરુદ્ધ બહાર પાડવામાં આવેલી આ જાહેરાતમાં એમી એક્ટનના વિચ્છેદ થયેલા માતા ડોના અર્થરને સામેલ કરવામાં આવ્યા છે. આ જાહેરાતમાં માતાએ પોતાની જ પુત્રી પર બાળપણ વિશે ખોટું બોલવાનો ગંભીર આરોપ મૂક્યો છે, જેને લઈને રાજકીય અને સામાજિક સ્તરે તીખી પ્રતિક્રિયાઓ જોવા મળી રહી છે અને આ પ્રચાર સામગ્રી સામે ચારેય બાજુથી ભારે વિરોધ પ્રગટ થઈ રહ્યો છે.
આ વિવાદાસ્પદ સ્થિતિ વચ્ચે અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ ખુલ્લેઆમ વિવેક રામાસ્વામીના સમર્થનમાં મેદાને આવ્યા છે. ડોનાલ્ડ ટ્રમ્પે આ જાહેરાતને અત્યંત પ્રભાવશાળી ગણાવી છે અને રામાસ્વામીને કોઈપણ સંકોચ વગર આ પ્રચાર અભિયાન ચાલુ રાખવા માટે વિશેષ આગ્રહ કર્યો છે. ટ્રમ્પના આ સમર્થનને કારણે વિરોધીઓનો આક્રોશ વધુ તીવ્ર બન્યો છે અને આ મુદ્દો આગામી ચૂંટણીના સમીકરણો પર મોટી અસર પાડી શકે તેવી પૂરી સંભાવના વ્યક્ત કરવામાં આવી રહી છે.
વિવેક રામાસ્વામી દ્વારા શરૂ કરવામાં આવેલા આ ચૂંટણી પ્રચાર અભિયાનથી રાજકીય ગરમાવો વધી ગયો છે. એક તરફ વિરોધીઓ આ જાહેરાતને નીચલા સ્તરની રાજનીતિ અને પારિવારિક બાબતોનો રાજકીય ઉપયોગ ગણાવી રહ્યા છે, તો બીજી તરફ ટ્રમ્પ અને રામાસ્વામીનું જૂથ તેને સત્ય અને પ્રભાવશાળી પ્રચાર માની રહ્યું છે. આ સમગ્ર ઘટનાક્રમ પર દેશ-વિદેશના રાજકીય વિશ્લેષકોની ઘીની નજર છે અને આગામી દિવસોમાં આ વિવાદ વધુ ઉગ્ર બને તેવા પૂરા એંધાણ વર્તાઈ રહ્યા છે.
