અસમ માટે ગર્વની ક્ષણ સમાન આ પ્રોજેક્ટ દેશની તબીબી ક્ષમતામાં એક નવો અધ્યાય જોડવા જઈ રહ્યો છે. ગુવાહાટીમાં સ્થપાનાર આ અત્યાધુનિક પ્રોટોન થેરાપી સેન્ટર ભારતનું સૌપ્રથમ જાહેર ક્ષેત્રનું (પબ્લિક-સેક્ટર) કેન્દ્ર હશે. કેન્સર વિરોધી લડાઈમાં પ્રોટોન થેરાપીને અત્યંત પ્રભાવશાળી અને આધુનિક પદ્ધતિ માનવામાં આવે છે, જે તંદુરસ્ત પેશીઓને નુકસાન પહોંચાડ્યા વિના સીધી ગાંઠ પર જ પ્રહાર કરે છે. આ કેન્દ્ર શરૂ થવાથી માત્ર અસમ જ નહીં, પરંતુ સમગ્ર પૂર્વોત્તર ભારત અને દેશભરના કેન્સરના દર્દીઓને વિશ્વસ્તરીય સારવાર વધુ સરળ અને સસ્તી ઉપલબ્ધ બનશે.
મુખ્યમંત્રીએ આ મહત્ત્વપૂર્ણ જાહેરાત કરતા જણાવ્યું હતું કે આ પગલું રાજ્યના હેલ્થકેર ઈન્ફ્રાસ્ટ્રક્ચરને વૈશ્વિક સ્તરે લઈ જશે. અત્યાર સુધી આ પ્રકારની ખર્ચાળ અને અત્યાધુનિક સારવાર માટે દર્દીઓએ વિદેશ અથવા દેશના ગણ્યાગાંખ્યા ખાનગી સેન્ટરો પર નિર્ભર રહેવું પડતું હતું. પરંતુ હવે સરકારી ક્ષેત્રમાં આ સુવિધા ઉપલબ્ધ થવાથી સામાન્ય અને મધ્યમ વર્ગના દર્દીઓ માટે પણ કેન્સરની આ જીવનરક્ષક સારવાર સુલભ બનશે, જે તબીબી ક્ષેત્રે એક ક્રાંતિકારી પરિવર્તન સાબિત થશે.
આ પ્રોજેક્ટના અમલીકરણથી ગુવાહાટી મેડિકલ હબ તરીકે વધુ મજબૂત બનશે અને તબીબી પ્રવાસન (મેડિકલ ટુરિઝમ) ને પણ વેગ મળશે. સરકાર અને સંકળાયેલી એજન્સીઓ દ્વારા આ કેન્દ્રના નિર્માણ માટેની તમામ તૈયારીઓને આખરી ઓપ આપવામાં આવી રહ્યો છે, જેમાં અત્યાધુનિક ટેકનોલોજીની સાથે પ્રશિક્ષિત તબીબી સ્ટાફની પણ વિશેષ વ્યવસ્થા કરવામાં આવશે. આગામી સમયમાં આ કેન્દ્ર દેશભરના કેન્સર રોગીઓ માટે આશાનું નવું કિરણ બની રહેશ અને ભારતને અત્યાધુનિક તબીબી સેવામાં આત્મનિર્ભર બનાવવામાં મહત્વપૂર્ણ ભૂમિકા ભજવશે.
