ઓસ્ટ્રેલિયા વિરુદ્ધની ત્રીજી ટેસ્ટ મેચમાં સાઉથ આફ્રિકાના સ્ટાર ઝડપી બોલર કાગિસો રબાડાએ શાનદાર પ્રદર્શન કરતા ટેસ્ટ ક્રિકેટમાં પોતાની 350 વિકેટ પૂરી કરી છે. આ સાથે જ તે ટેસ્ટ ક્રિકેટના ઇતિહાસમાં સૌથી ઓછા બોલમાં 350 વિકેટ ઝડપનાર વિશ્વનો પ્રથમ બોલર બની ગયો છે. રબાડાએ ઓસ્ટ્રેલિયાના મુખ્ય બેટસમેનોને પેવેલિયન ભેગા કર્યા હતા, જેના કારણે લંચ સુધી ઓસ્ટ્રેલિયાની ટીમ માત્ર 60 રનમાં 7 વિકેટ ગુમાવીને મુશ્કેલીમાં મુકાઈ ગઈ હતી.
વર્તમાન શ્રેણી હાલ 1-1થી બરાબર પર છે. લંચ બાદ કેમેરોન ગ્રીન અને પેટ કમિન્સે ઇનિંગને સંભાળવાનો પ્રયાસ કર્યો હતો. જો સાઉથ આફ્રિકા આ નિર્ણાયક મેચ જીતી જશે, તો તે ટેસ્ટ રેન્કિંગમાં ઓસ્ટ્રેલિયાને પાછળ છોડીને આગળ નીકળી જશે.
