જામનગર મિરર બ્યૂરો
કેન્સર જેવી ગંભીર અને જીવલેણ બીમારી સામે લડી રહેલા દર્દીઓ અને તેમના સ્વજનો માટે કેન્દ્ર સરકાર દ્વારા એક અત્યંત રાહતરૂપ અને આવકારદાયક નિર્ણય લેવામાં આવ્યો છે. દેશમાં કેન્સરના ઉપચારમાં અનિવાર્ય ગણાતી મહત્વની જીવનરક્ષક દવાઓના ભાવમાં આગામી સમયમાં નોંધપાત્ર ઘટાડો થવાની સંભાવના વ્યક્ત કરવામાં આવી છે. સરકારના આ તાજેતરના આદેશથી લાખો દર્દીઓને મોટો આર્થિક બોજમાંથી મુક્તિ મળશે તેવી પ્રબળ આશા જાગી છે.
મળતી માહિતી મુજબ, સરકારે કેન્સરની સારવારમાં વપરાતી કેટલીક વિશિષ્ટ દવાઓ પરની આયાત ડ્યુટી અને ટેક્સ માળખામાં મોટા ફેરફારો કરવાની દિશામાં કવાયત હાથ ધરી છે. આ દવાઓના ઊંચા ભાવના કારણે સામાન્ય અને મધ્યમ વર્ગના પરિવારો માટે સારવારનો ખર્ચ ઉઠાવવો અત્યંત મુશ્કેલ બનતો હતો. તબીબી ક્ષેત્રના નિષ્ણાતો અને સામાજિક સંસ્થાઓ લાંબા સમયથી જીવનરક્ષક દવાઓ સસ્તી કરવાની માંગ કરી રહ્યા હતા, જેને ધ્યાનમાં રાખીને સરકારે આ લોકકલ્યાણકારી પગલું ભર્યું છે.
આ નવા આદેશના અમલીકરણથી ફાર્માસ્યુતિકલ બજારમાં કેન્સરની દવાઓના ભાવ ઘટશે, જેના સીધા ફાયદા સ્વરૂપે હોસ્પિટલોમાં થતી સારવારનો કુલ ખર્ચ પણ ઓછો થશે. જામનગર સહિત સમગ્ર રાજ્યના આરોગ્ય ક્ષેત્રે આ નિર્ણયને આવકારવામાં આવી રહ્યો છે. તબીબોનું માનવું છે કે મોંઘવારીના આ યુગમાં સસ્તી દવાઓ ઉપલબ્ધ થવાથી ગરીબ દર્દીઓ પણ સમયસર યોગ્ય સારવાર મેળવી શકશે અને દેશમાં સ્વાસ્થ્ય સેવાનું સ્તર વધુ મજબૂત બનશે.
